| A institución | Presentación | Historia | Organización | Seccións | Estatutos | Acordos | A sede | Prensa |
A escritora por Gustav Wertheimer, nun retrato pintado en París en 1877. De espírito liberal, relixiosa, feminista, condesa..., no universo creativo de Emilia Pardo Bazán conviven as súas contradicións con algunhas das posicións intelectuais máis innovadoras no cambio do século XIX ao XX. 1 de 7
As salas da Casa-Museo achégannos a vida social e familiar de dona Emilia, cada peza ten un significado: os dourados tapices sinalan un pazo aristocrático e mostran un conxunto de escenas de protagonismo feminino; a súa vaixela loce o seu lema persoal; a talla dunha virxe descóbrenos unha das poucas mulleres artistas do barroco español; coa reprodución dun dos seus vestidos, intuímos o esplendor das súas festas. 2 de 7
Emilia Pardo Bazán fotografada diante da cheminea de madeira tallada que preside hoxe o salón da súa Casa-Museo. Na Coruña, a escritora recibe os seus amigos os xoves alternos, durante a súa estadía estival; os luns de inverno recíbeos en Madrid. 3 de 7
As carruaxes chegaron hoxe, dona Emilia está de volta de París e Madrid. Atrás quedan teatros, óperas e salóns cosmopolitas, o seu gabinete de traballo está listo para comezar un novo libro. Coa escritora volven á Coruña os faladoiros culturais, nos seus salóns discútese de novela rusa, da igualdade do home e da muller... Fóra, na cidade, rebole o complexo mundo narrativo de Marineda. 4 de 7
Amalia de la Rúa, nai da escritora, por Sorolla. 1913. Os retratos permiten coñecer os afectos da muller, os pais, os avós, o marido, aquí nacen os seus tres fillos. 5 de 7
A moderna museografía amosa o patrimonio bibliográfico, achegando as grandes preocupacións intelectuais da escritora. Cada obxecto ten unha intención, tamén os libros e documentos expostos; a súa coidada elección marca os fitos da biografía intelectual de Pardo Bazán 6 de 7
No percorrido pola Casa-Museo, por último penetramos no seu gabinete de traballo. A escritora redacta nesta casa La Tribuna (1882), novela sobre as cigarreiras coruñesas, La cuestión palpitante (1883), colección de artigos que, con gran polémica, introduce o naturalismo literario francés ou Los Pazos de Ulloa (1886), a súa novela máis querida e popular; son os primeiros éxitos da súa carreira literaria. 7 de 7
Casa-Museo Emilia Pardo Bazán
En 1956, a Real Academia Galega recibe a casa da escritora como legado da súa derradeira descendente. A institución establece a súa sede na casa da que foi a súa presidenta de honra e toma o compromiso de abrir ao público a Casa-Museo. Mobles, cadros, obxectos e un importante patrimonio bibliográfico e documental son custodiados aquí, na Cidade Vella coruñesa, na casa desta muller, nacida en 1851, unha das máis importantes escritoras da historia da literatura española.
| Casa-Museo Emilia Pardo Bazán Teléfono: 981 22 71 41
Horario de atención ao público: Horario de verán: |
| Axenda de actos Ver todos |
| Xoves 30 de maio de 2013 / 10:00 h Rosalía de Castro no século XXI |
 | XXVI Curso de verán de galego para estranxeiros A información para a inscrición neste curso pódese descargar aquí. [0,9 Mb] |
 | Boletín nº 371 O Boletín da Real Academia Galega chega ao número 371. Pode descargarse directamente aquí. [3,4 Mb] |
 | Cadernos de Lingua nº 34 PDF completo do último Caderno editado. [3.6 Mb] |
 | Normas ortográficas e morfolóxicas do idioma galego As Normas poden descargarse directamente aquí. [4,9 Mb] |